أسئلة WHAT ELSE؟

اقرا الاسئلة في وقت تكون فيه هادي ومش مستعجل، ويفضل الصبح بعد ما تصحى او بالليل قبل النوم.

اقرا كل سؤال ببطء، وسيبه ياخد مساحته جواك من غير ما تحاول تلاقي اجابة فورية.

ماتقراهاش وانت في مود مقاومة او توتر او بتحاول تثبت لنفسك ان السؤال غلط.

خد نفس، اهدى، واقرا السؤال كأنك بتفتح باب لاحتمال جديد.

مش مطلوب منك تصدق السؤال، ولا تقتنع بيه، ولا تعرف ازاي ده هيحصل ومتحطش اجابه بنفسك. المطلوب بس تسأل...وتفتح احتمالات جديدة. WHAT ELSE؟

السؤال مش لازم يغير الواقع في نفس اللحظة، هو بيبدأ بتغيير المكان اللي بتشوف منه الواقع.

كل يوم سؤال جديد بيحرك طبقة من الافكار اللي اتعودت تعتبرها حقيقة.

يفتح لك احتمالات كنت بتستبعدها قبل ما حتى تسمح لنفسك تشوفها.

يخليك تلاحظ اين كنت بتختار من الخوف، واين كنت بتكرر نفس الاختيارات وانت فاكر ان مفيش غيرها.

ومع الاستمرار، السؤال يبدأ يتحول من شيء بتقراه الى طريقة جديدة في النظر.

بدل ما تسأل كيف سيحدث؟ تبدأ تسأل ماذا ايضا ممكن؟

بدل ما تقول مفيش حل، تبدأ تشوف احتمالات.

بدل ما تنتظر ان الظروف تتغير، تبدأ تلاحظ ان انت نفسك قادر تختار بشكل مختلف.

وهنا العمق الحقيقي... انك لا تستخدم الاسئلة للحصول على اجابة واحدة. انت تستخدمها حتى لا تعيش محبوسا داخل اجابة واحدة.

كل سؤال يوسع المساحة. وكل مساحة جديدة تفتح اختيارا جديدا.

وكل اختيار جديد يمكن ان يغير اتجاه حياتك بالكامل.

WHAT ELSE؟